من المؤكد إصابتك بالسكر وضغط الدم وإنفجار المرارة وبعض الأمراض النفسية إن كنت من أصحاب الحظ السيئ وشاهدت حلقة برنامج العاشرة مساءاً على قناة دريم2 الفضائية يوم اللإثنين الفائت الموافق 3/8/2007 في هذة الحلقة استضافة المذيعة منى الشاذلي ضيفين لاأذكر أسمهما والحمد لله لأن مثل هذة الأسماء ان تذكرها أحد قد يصاب بفقدان الذاكرة
كان موضوع الحلقة عن التعذيب في أقسام الشرطة وعن القضايا التي أثيرت مؤخراً حول هذا الموضوع وكان هاذين الضيفين من زوي المناصب – أما السابقة أو الحالية – في وزارة الداخلية لعن الله كل ظالم فيها فكان نفيهم لوقائع التعذيب في غاية الشدة لدرجة اني تصورت أنهم يتحدثون عن وزارة التموين ولا أدري هل هم يعيشون معنا في هذا البلد أم انهم يسكنون كوكب آخر
وأريد أن يرد علي أحدهم
ما الذي يظهر في كليبات التعذيب وصور المعذبين ؟
هل تظهر على أجسادهم أمراض جلدية أم أثار للتعذيب داخل الأقسام ؟
وأريد أيضاً تفسير لما سمعته بأذني في مركز شرطة زفتى من أصوات لمعذبين بينهم أطفال تصرخ وكأن صرختهم لا تنبع من حناجرهم بل من داخل داخل أعماق أجسادهم – من شدة ما يلاقوه من تعذيب – هل هي أحلم يحلوموها وعلا صوتهم أثنائها ام ماذا ؟
وعندما دخل احد أصدقائي لنفس مركز الشرطة أثناء تقديمه بلاغ ووجد فيه الضابط يوجه عدة صفعات قوية سريعة متتالية على وجه أحد المتهمين وعندما ذكر له المتهم انه من قرية منها أحد زملاء الضابط فقال له ( خلاص كفاية عليك كدة ) ما هذا ايها الضيفين ثقيلي الدم ؟
يا حنظله …. يا حبيبي … ده اللواء ضياء مساعد الوزير …وجايب معاه واحد علي المعاش بيأكل عيش … خليهم يكذبوا …. يوم القيامه ما فيهوش هزار ..وقعتهم سوده ….
السلام عليكم
انا لله وانا اليه راجعون
دول ناس مش عايزين اخره دول اهل الدنيا خليهم يشبعوا بها
ونشوف مين اللى هيضحك الاخر
ملحوظه ممكن حضرتك تبقى تكبر الخط
وجزاكم الله خيرا
أستاذي العزيز الباشمهندس هيثم دول عالم بجد فيها كمية برود وكذب موردوش على حد انا كنت قاعد هافرقع لكن الحمد لله ربنا ستر ساعتها ونزلت وعلى رأيك سيبهم يكذبوا كما يريدون لكن يوم القيامة سيحاسب كل انسان على ما فعل او قال يبقوا يوروني هايكذبوا ازاي
الأخت العزيزة صناعة الحرية
شكراً لزيارتك المدونة وطلباتك اوامر وان شاء الله المرة الجاية الخط هايكبر
يا عم حنظله مالك مستغرب كده
انا فاكر من فتره كان احمد رجب مع انه مش معارض بيقترح على الحكومه المصرية المشاركة فى العاب او مسابقه متخسرش فيها بدل الفضايح فى كل المسابقات
وعرض عليهم عمل مسابقة افضل كذاب
السلام عليكم
ازيك ياحنظلة
واللله انا متفرجتش على الحلقة ديه
والحمدلله انى متفرجتش
اصل انا لسه صغيرة ومش قد ان دمى يتحرق اكتر ماهو محروق اصلا
وبعدين انا مش عاوزة اموت بدرى لما اتفرج على حاجة زى كده
الحمدلله انى متفرجتش الحمدلله
وبعدين انت احلى حاجة تقولها
حسبي الله ونعم الوكيل
ربنا المنتقم ان شاء الله
سلاااام ياحنظلة
ياعم حنظلة
ماذا تتوقع من واحد جايب 50% وداخل شرطة بالكوسة او دفع 70 الف جنية علشان يبقى ظابط
عايزة يبقى ولى من اولياء اللة الصالحين ويطبطب على الناس .دول عيال مدفوع فيها تقلها فلوس ولازم لما يتخرج يركب عربية اخر موديل .من الاخر دول عصابة مسلحة بتحكم البلد واللى مش عاجبة الباب يفوت جمل .فى الكلية بيدرسوا لهم دورات فى قلة الادب والاحترام مابيحترمش غير الرتب وبس
تعرف ان اكثر من نصف البشوات الجدد لهم صلات بتجار المخدرات والسلاح صلات قرابة او نسب
دولة الظلم ساعة ودولة الحق كل ساعة .
ابو النجوم