تتوقع يكون رئيس مصر القادم مين ؟؟
طبعاً لو حد اتسأل السؤالد ده مننا هاتكون اجابته اجابة من 3 إجابات
الأولى : انك تقف مبلم
الثانية : انك تعمل مش سامع وتقول ايه ؟ بتقول ايه ؟
الثالثة والمصيبة قصدي الأخيرة : انك تقولها بكل خيبة ووكسة وبصوت واطي جمال
وبصراحة يا جماعة انا اللي دفعني اني اكتب التدوينة دي هو شعور خبيث يراودني هذة الأيام خاصة بعد ما سمعت خبر ان مبارك بعافية شوية ربنا يجعلها آخر الأمراض ونخلص حتى اني قرأت أمس في المصري اليوم خبر أنه لغى اللقاء اللي كان مفروض هايتعمل بطلاب الجامعات قريباً وطبعاً البطانة اللي حواليه بررت أن السبب في إلغاء اللقاء ده انشغالات الريس ( قال يعني هايحل المربوط ويربط السايب) لكن نفسي الخبيثة تسول لي أنه بيودع وتعبان برضه ده عضمة كبيرة وعايز يرتاح 25 سنة خنق في مخاليق ربنا لما خلاص ارحمنا بقى يا اخي
المهم
انا لما جلست أفكر ماذا لو مبارك طلع صادق وعلمها وارتاح ( يارب ريح الريس خالص قولوا آمين ) طيب من هايكون بعده وسألت نفسي السؤال الرخم الثقيل على قلبي اللي انا مفتتح بيه التدوينة وهو
مين هايكون الريس بعد مبارك ؟؟
بصراحة انا لقيت نفسي مبلم وبسأل نفسي تاني وبعمل مش سامع وبقول ايه بتقولي ايه يابني ؟
فكررت السؤال مرة أخرى بقولك تتوقع مين يبقى الريس بعد مبارك ان مبارك قرر التنحي عن الدنيا ؟
بصراحة انا بيني وبين نفسي صمت لحظات ووجدت لساني يردد بعفوية : مفيش!!0
فأستغربت من الإجابة : مفيش !! مفيش ايه يابني ازاي بلد تبقى من غير ريس
فقلت بما اني معارض يبقى اكيد هاختار واحد من المعارضة بصيت حوليا ملقيتش حد من المعارضة يستاهل مش لعيب فيهم لا سمح الله لكن بسبب ان معظم أن لم يكن كل المعارضين الحاليين بيتكلموا من فوق من فوق اوي الناس بتبص لفوق علشان تشوفهم وكمان وبصراحة هما قادة المعارضة فوق دماغنا من فوق لكن بيفتقدو الشعبية الشعبية( هي اتنين شعبية الأولى اسم والثانية صفة ) وبصراحة اكتر انا منحاز للناش ( للشعب ) ومقدرش اقول اسم بعيد عنه
طيب فيه ايه يابني اتكلم مين اللي تتوقعه فللأسف ملقيتش غير اسم هو حتى الإسم غير مناسب من قريب او بعيد وبرضه محدش طايق ولا طايق عينته بس للأسف وللأسف وللأسف هو أقرب واحد من هذا المكان
ولقيت نفسي بصوت منخفض وانا وشي في الأرض من الكسوف والوكسة والخيبة التقيلة بقولها مرتعد اللسان ( جمال ) ايوة جمال
ومش حباً فيه ولا ايماناً بأنه الزعيم الملهم قائد ثورة التصحيح بل العكس انا من أشد الكارهين لأن أجد جمال مبارك في منصب الرئاسة لأن ببساطة ابن الوز عوام قما يقول المثل الشعبي وطبعاً 25 سنة الوزوز ابوه منشف دم الناس وخانق البلد شبابها وشويخها اوخوانها وشيوعييها وعلمانييها واسلامييها وأن كان مركز مؤخراً مع الإخوان فطبيعي ان ابن الوز ( اللي هو جمال ) هايكون عوام طالع لأبوه الله ين** ولا بلاش خلينا مؤدبين
يعني وصول جمال لهذا المكان ليس لقوة او نفوذ او كفاءة ولكن بسبب ضعف في المعارضة وافتقادها للشخصية الزعيمة التي تلتف حولها الناس
وأنا آسف يا جماعة يظهر اني طولت لكن غصب عني ولله الكلام خدني بدون قصد
لا اعتقد انك تصدق اننا احرار في اختيار من يحكمنا فشخصية الحاكم القادم لا بد وانه قد تم تحديدها لنا سلفا وابلغ بها العملاء الذين يحكمون البلد بالكفر والحديد والنار فلسنا مخيرين ولا ناقة للمعارضه ولا جمل بل كلهم مرتزقه الا من رحم ربي وربنا موجود يصلح الاحوال ويجعل كيد المجرمين في نحورهم
يعنى انت قصدك رئيس غيرى يعنى
طيب عموما انا سمعت انى المنصب دة هيتلغى وهيروح المتحف المصرى لانه اصبح اثار مصريه وتراث
ويجيبه الناس تتفرج على واحد لزق ومخرجش
اسمه حسنى اتون
احمد الجيزاوى
انت مش تعرف
ان جيمى
بستعد الايام دى
وبتدرب
زى الصحفى لما بتدرب قبل مايتخرج
حسنى عامل عيان وسايب دا يبرطع
براحته
واتمنى زيارتك لمدونتى
أولاً اتقدم بالشكر لكل من الأستاذة arom4 وأحمد بيه الجيزاوي والاخ مواطن ظهقان
لمشاركتهم وتشريفهم المدونة
وعلى فكرة يا جماعة فيه ناس بتقول ان جمال مبارك هايهرب ويسيب البلد يعني هايكت باللي معاه وبحساباته ويسيبها وينط ايه رأيكوا في الكلام ده ؟
والله انا كان نفسى اجاوب اجابه غير الثلاث اختيارات اللى انت كاتبهم
ولو ممكن تسيبى احلم شويه واقول ان كل الجماعات والحركات والاحزاب هيختاروا شخصه عامه وكل اعضاء هذه الجماعات والاحركات والاحزاب ستتحول الى مناصر وداعى لهذه الشخصيه لتولى منصب الرئيس
حتى لو كان فيه شخصية شعبية معارضه
كانت هيبقي فيه بقي انتخابات نزيهة علشان نختار اللى احنا عيزينه
فيه اختيار تاني اقرب بكتير
عمر سليمان
مدونه محترمه … الإسم موفقك جداً …..
أختار أي حد بس لا يكون بياده … فهمتني ….
يسمع منك ربنا
هو بس يعملها ووقتها نبقى نقعد ونتناقشش ونختار
بس بالله كبر الخط اتعميييييت
هو ده ياعم حنظلة اللي بيدفعونا ليه ان احنا نقول مفيش غير جمال اللي نعرفه واللي نعرفه احسن من اللي ما نعرفوش وان جمال اتربى في حضن الحزب الوطني يعني في دهاليز الحكم وعارف اصول السياسة كويس وللاسف انا مضطر اصدمهم واقول ان الكلام ده غلط لان البيه جمال اتربى في عالم البيزنس وما يعرفش غير البيع والشراء فأول حاجة هيعملها انه يبيعنا او يبيع اللي فاضل مننا وطبعا لأقل سعر وبعدين هو لغاية دلوقتي ما قالش انا عايز احكم نقوم احنا نقوله احنا دورنا ومش لاقيين حد تعالى يا بابا عشان ما فيش غيرك احكمنا بس بشويش
ياعم حنظلة احنا لو جبنا سعيد ظاظا يحكم البلد هيبقى احسن وفيه ناس كتير ممكن تكون ظاظا بس المهم الشعب هو اللي يختار والشعب مش عبيط
أعتقد إن أي مواطن يستطيع أن يحكم وليس شرط من تربي في دهاليز السياسية، لأن السياسة هذه الأيام مرتبطة بالبيت الأبيض إلا من رحم ربي. ولذا فلابد من الخروج من بيت الطاعة الأمريكي بأي ثمن لأن الخسارة هيه هيه ……….. ويا روح ما بعدك روح
بص بقى يا عم و لو ان الرد متاخر جدا بس انا كنت مستنى لحكمة
هاقولك مين رئيس مصر القادم و اضحك و هيس زى ما انت عاوز
بس الاول اقوللك مين رئيس مصر الحالى الوصى على بابا حسنى هو انكل جمال
و ان شاء الله اقدر اقولك ان فخامتى ان شاء الله رئيسك القادم
ما تسألنيش ازاى
اصل انا لسه مفكرتش فى الموضوع بجدية
و عامة انا متاكد انى هبقى الرئيس مجرد احساس قوى
ربنا يدينا و يديكون احساس عالى
انا نفسي ينتهي حكم الرئيس مبارك في اسرع وقت الان الشعب المصري لم يعد يتحمل هذا الوضع السيئ الرئيس مبارك جاب مصر خمسين سنة الى الوراء احتراما لجميع الاراء انا كان نفسي حد يحكم مثل ايمن نور او نوال السعداوي او اي حد ميكنش من الثورة
على فكره ياجماعه أقرب المرشحين هو .عمر سليمان, وعلى فكره هو كويس جدا ومحنك سياسيا بس المشكله انه ها ييجى فى وقت البلد هاتكون فعلا متدهوره سواءا سياسيا او على الصعيد الاقتصادى, وربنا يوفقه الى مافيه الخير
الله معنا
مين هيكون بعد مبارك؟؟؟….ليه هو ناوي يمشي ويسافر دا لسة ملحقش…..
looool
أنا شايف اننا نجيب واحد هندى يبقى رئيس مصر القادم علشان منزعلش حد وأهو كله هيركب الفيل
أنا لست منحازا الى اى حزب ولكننى جربت الحكم من عامه الشعب كما ندعى 25 عاما فلم اجد سوى الظلم والقهر والفساد والغربه وكفايه كده حرام عليكوا .فوجهه نظرى ان أصلح الناس هم الاخوان المسلمين على الاقل لو هيكونوا ظالمين هيخافوا ربنا ولو بنسبه خمسين بالمئه ودى ميه ميه بالنسبه للسابقين. ونترك الشعب للخيار أو للبصل
انا هارشح حمارى فى الدوره القادمه تتوقعو كام فى المائه ياخذ ارجو الردود
ياجماعه ياريت نحاول نكون جادين شويه ونقول لا فيه ايه هيحصلنا ايه اكتر من الى بيحصل انا سمعت وقرات عن عمر سليمان اصل جمى مش هينفعل
يا جماعه ننظر نظرحة عملية اللى تعرفة احسن من اللى متعرفووش و بعدين مين ادرى بأولويات الشعب و طلباته من تعليم وشغل ومستوى اجتمااعى و احداث تغيير حقيقى وده طبعا تم من خلاال ال30 سنة
والله يا جماعه انا من رايى ان مدام حسنى عايش و امريكا هى اللى حكمانا يبقى نسبها تحكمنا بعد لما يموت
ربنا يعينكوا أنا مواطن سعودي وبحلم بربع الديمقراطية اللي عندكو وموت يا حمار .
والله كلامك منطقى ومش بعيد الحمار يكون مات وهما مخبيين على مايطبخوها سوا عموما انا بحزر ازا جمال مسك الحكم قول على مصر السلام والله ما هيمشى ولا بالطبل البلدى اذا ماوقفناش وقفه رجاله ورجعنا بلدنا من يد المحتلين هنفضل ازلاء ومش احنا بس ده ولادنا واولاد ولادنا
لا لعائلة مبارك نريد التغيير
مين الي قال ان مبارك هوالي بيحكم امريكا هي الي بتحكم وكدة كدة الي هييجي هيحكم بما يرضي امريكا ولا حوب ولال قوة الا بالله وبالتالي مش فارقة مين يحكم مصر سواء جيمي او غيرة كبة محصل بعضة
صحيح التغيير هو الحل ولكن السياسه ليس بها تغيير شوفو الدول الكبرى وكرههم للعرب لم يتم فيه تغيير رغم تغيير السلطه والحكم من أقصى اليمين الى أقصى الشمال دائمن يكرهوننا وكذلك السلطه والشعب لم يتم المصالحة بينهم أبداَ
اولا انا اسف الرد متاخر
لاكن لازم جميعكم تقرون ان اساس العدل هو المسواة
واكبر دليل النقاش فى هذا الموضوع
لواننا فى اى دوله اخرى كان زمنكم جميعا فى المعتقلات من 9 سنين
لاكن طبغا لاننا فى مصر نعيش عصر حريه وديمقراطيه بمعنى الكلمه ل
لن يحدث هذا
لذلك لااجد معنى للقلق من هوالرئيس لان مصر دائما لها سياسه واحدة
لاتتغير مهما تغيرت الاشخاص
واخيرا لن نعرف ما نقوله الان ولاكن نقيم ذلك فى المستقبل وسوف اجدكم جميعا تتحسرون على ماتعيشوة لان وتصفوة بالمصيبه
ارجوا ان تتقبولوا راى
وهذا مجرد راى
انا مش حطول فى كلامى لاانى لااحب الكلام الكثير بحب الفعل اكثر ناس تحب الكلام هو الشعب المصرى مع احترامى لهم لاانى مصرى مثلهم لكن الغربة والبلاد اللى انا فيها احسست انى انسان لى حق اطالب بة مع انى اجنبى فى هذا البلاد الشعب المصرى بيقول حيعمل ويسوى وللاسف كلام البلاد دية عاوزة ولد يكون بيحب مصر ومن قلبة وليس بيحب مصر لمصالحة ربنا يكرم بلدنا مصر الام بمولود لها يحبها ويعوضها على ابنائها اللى ماتوا وكانوا بيعشق امهم مصر الله يرحمك ياجمال ياعبد الناصر واخوك محمد انور السادات
أرشح لرئاسة مصر شخصية تكون قيادية تنمويه لديها مهارات ادارية وتطلعات مستقبلية , يخاف الله ويعرف ما له وما عليه كالداعية د/ عمرو خالد
أنا أرشح الشيخ محمد حسان ماشاء الله رجل فاضل ومحنك وله نظرة ثاقبة إن شاء الله
انا هرشح عبدالمنعم ابوالفتوح
علي فكرة مرسي هو الرئيس هههههههههه
انا هاوي اقرا تدويناتك القديمة