هو فيه ايه يا إخوان ساكتين ليه ؟؟
الحقيقة انا مش قادر افهم انتوا ساكتين ليه لحد دلوقتي الإعتقالات شغالة في صفوفكم زي المطرة ومفيش جملة اعتراضية واحدة
الناس مش لاقية تشرب ومفيش حد فيكو بيتكلم
الناس مش لاقية عيش تاكله وانتوا ولا كأنكوا هنا
الدستور اتخرب وانتو قاعدين تتفرجوا لا حد شافلكم مظاهرة ولا حتة وقفة صامتة فيه ايه يا جماعة
البلد بتتباع وانتوا بتتفرجوا
هو انتوي مش ناويين تتحركوا ولا ايه ؟
مش المفروض برضه انكم أقوى قوة مؤثرة في الشارع ولا انا غلطان ؟
طب هاتتحركوا امتى ؟؟
بصراحة انا شايف ان موقفكم وحش وزفت جداً ومش عاجبي اللي انتوا بتعملوه
بقيتوا بتكتفوا بالبيانات والشحب والإدانة ( مدد ياحكام يا عرب ) معلش اصلكم فكرتوني بيهم اصلهم محترفي الشجب والإدانة والبيانات
البلد بتغرق وانتو زي ما انتو اكتفيتوا بالكام كرسي بتوع مجلس الشعب وخلاص
وبصراحة انا بدأ يتسلل إلى قلبي الشك انكم عاقدين صفقات مع النظام أو بمعنى أصح بعض العناصر المؤثرة في الجماعة هي اللي عقدت صفقة مع النظام على حساب الآخرين
طيب واهتفضلوا يا شباب الإخوان ساكتين ؟
وهل انتم راضيين عن اللي بيحصل ده ؟؟
انا بدعوا كل شباب الإخوان انهم يعيدوا النظر ويفكروا من الأول وجديد وبقول يفكروا مش يتلقوا تعليمات انا عايزكم يا شباب تفكروا انتم بعقولكم وتكلموني انتم متستنوش حد من مكتب الصفقات أقصد الإرشاد يفكرلكوا لأني بصراحة بثق فيكم جداً وبحترمكم جداً محدشش يفمهني غلط انا بحترم وبثق في شباب الإخوان بس انما المكتب الغامض لأ واريد ان يحدثني شباب الإخوان برضه ويفهموني فيه ايه يا إخوان ؟؟!!0
الناس مش لاقية تشرب ومفيش حد فيكو بيتكلم
الناس مش لاقية عيش تاكله وانتوا ولا كأنكوا هنا
يعني لو الاخوان خرجوا في مظاهرة الناس هتقف معاهم ولا ساعة الضرب كله بيجري
و الاخوان بعد كده يقضوها في طرة
لحقيقة انا مش قادر افهم انتوا ساكتين ليه لحد دلوقتي الإعتقالات شغالة في صفوفكم زي المطرة
ومفيش جملة اعتراضية واحدة
انا شخصيا شايف ان احسن رد ممكن الاخوان يردوه انهم ميردوش خالص
كأنهم بيقولوا للامن هات اخرك…ولا بتفرق معانا
ولا احنا اصلا متأثرين ولا حاسين باللي انت بتعمله
و بالنسبة لمبدأ الرد و المظاهرات فيا سيدي الريس دلوقتي شايف ان محدش هيلوي دراعه و هيفضل يصعد لحد لما اللي قدامه يتنازل او هو ينقضي عليه
طبعا الاخوان لو دخلوا في صراع بالشكل ده الريس هيتقضي عليه بدون كلام و ده الاخوان مش عاوزينه دلوقتي (الوصول للسلطة سهل جدا) علشان مش وقته
مشكور ياحج على الكلام البناء دا
بس الاخوان موجودين بدليل الاعتقالات
هما أول ناس بيهتموا بالناس
نواب الاخوان أول نواب اتكلموا عن مشاكل الناس
عاوزنا نخرج ونثور
وبعد الثورة
ايه
الاخوان بتغير تغيير سلمى
وقول للشعب
قوم ياشعب
الشعب جباااااااااااااااااان
يا رفيق حنظله
متتعبش نفسك
الاخوان مبيعملوش تحرك إلا لو هيكون ليهم مصلحه شخصيه او تنظيميه بحته
و بعدين من تاريخهم الملئ بالصفقات القذره مع الحكومه من ايام حسن البنا لحد وقتنا هذا
يخليني متأكد ان صمتهم هذا هيكون في مقابل و هنشوفه قريباً
يمكن جمال بيه مبارك و عدهم بحته من الشوري في الدوره اللي جايه
ولا واعدهم بحزب بمرجعية إخوانيه
عموماً الاخوان إيدك نتهم و الارض
انتبه للتكتلات الشعبيه هي اللي هتعمل فرق في الفتره القادمه لا يسار و لا إسلامجيه
الشعب نفسه اللي ميفهمش الفرق بين الاتنين هو اللي إنتظر منه الكثير
تحياتي ليك و لمدونتك الجميله
مشكورين يا جماعة لمشاركتكم بس انا احب اوضح شيئ
هو انا كلامي اللي انا كتبته ده ليس هجوم على الإخوان او اساءة لهم او ماشابه ذلك انما كلامي هو استغراب لأني شايف او الواضح لنا ان الإخوان محلك سر ومش فاهم ايه السبب وكمان نفسي اعرف هما ليه في مجلس الشعب لحد دلوقتي رغم ان هما اول ناس عارفين انهم مش محميين بداخله وبعدين هما دلوقتي داخل مجلس الشعب والمفروض انهم معارضين ومع ذلك تم تمرير كل ما ارادته الحكومة طب ليه بقى متمسكين بمجلس الشعب رغم اني في نظري ان تمسكهم بيه رغم عدم فاعلية دورهم حالية بداخله قد يضر بسمعة الإخوان
يا جماعه اتقوا الله
الاخوان مش بيعملوا لمصلحتهم هما انتوا كده بهتوهم
وبعدين مين قال انهم مش موجودين مين قال انهم مش شغالين
اخى ناخدها واحده واحده
مين قال ان الاخوان مبيتكلموش على الاعتقالات مدونات الاخوان شغاله ما شاء الله والتصريحات شغاله
مين قال انهم مبيطلعوش مظاهرات ومبيعملوش مظاهرات هما بيعملوا عندنا بس ماعتقدش اكيد فى مصر كلها
مين قال انهم سكتوا ومعملوش حاجه فى تعديل الدستور هما اعترضوا وقالوا لا
وعندما لم يسمع لهم ولم يؤخذ برايهم اعتذروا عن حضور الجلسه
وبعدين اشمعنى الاخوان اللى بتتكلموا عليهم
فين المستقلين.؟
كلنا عارفين ان الاخوان عملوا اللى عليهم وازعجوا الحكومه والدليل الاعتقالات اللى زى المطره
ربنا قال “اخرجوا ال لوط من قريتكم انهم اناس يتطهرون”
وهكذا يحاول الوطنى اخراج الاخوان من هنا
ماذا فعل الوطنى؟؟؟
نهبنا وسرقنا وجوعنا وعطشنا….
اشمعنا دول متكللمتوش عنهم سبحان الله
هى كده دايما الشجره المثمره تقذف بالطوب وتلقى باحلى الثمار
انا للاسف مش عارفه اكتب لان بنام وانا قاعده
ان شاء الله لى رد تانى اكون حتى جبت ادله لكلامى
والسلام ليس ختام
الأخت العزيزة صناعة الحرية
أولاً عتابي للإخوان ليس عتاب لأنتقص من حقهم او كره لهم بل عتاب اخ لأخيه والتاريخ يشهد ان بين الإخوان وحزب العمل كل خير وتعاون
هو كان فيه امور مش واضحة ليا لكن تفضل وقام بتوضيحها ليا الأستاذ محمد يوسف http://yousef733.maktoobblog.com/ وقام بتوضيك كل ما ااردت بارك الله فيه
لكن ليس فينا الخالي من الخطأ هناك ما يؤخذ على الإخوان لكن ليس كما كنت اتصور
اولا جزاكم الله خيرا على الرابط ده لان فيه مقالات رائعه
وبعدين خلاص عفونا عنك
والكلام لم يكن كله موجه لك كان موجه اغلبه للاخ يسارى مصرى
جزاكم الله خيرا حنظله
بس ليه احنا ديما عايزين الاخوان هما اللي يثوروا وهما اللي تحركوا وهما اللي يعتقلوا علشانا
ليه احنا مش نتحرك ويكون لنا دور
ولا كل واحد خايف علي نفسه
ويقول وانا مالي
يعني هما بيعتقلوا وبيبعدوا عن اولادهم
ويخسروا وظايفهم
وفي الاخر نقول بيعملوا لمصلحتهم
الأخت العزيزة عاشقة الحرية
أولاً انا مقصدش المعتقلين نهائي المعتقلين يدفعو ضريبة مواقفهم المشرفة
كنت اقصد فصيل معين بالتحديد والدكتور محمد يوسف وضحلي ما كان يخفى علي وتم تفهم الامر
اشكرك على اهتمامك اختي العزيزة
يعني حضرتك ممكن تقول لنا نعمل ايه …
نعمل ثورة مثثلا
ولا ايه ؟؟؟
ممكن تقترح وتأكد إذا حاجه فيهم تنفع الاخوان مش هيتأخروا
لأ متعملوش ثورات
انتو تقعدو ساكتين وتدخلو المحليات اللي انتو عارفين مسبقاً انها مزورة
اخى العزيز / حنظلة …الاخوة المحترمون ، قراء المدونة
تحياتى العطرة لكم رغم مرارة الحلق الذى تخرج منه
انكارنا على الاخوان ليس انكارا لهم.. فانا و الى حد قريب كنت اعتبرهم فصيل مخلص اصيل
و لكن و للاسف لم اراهم مخلصين لهذا الشعب ابد ، فان المصلحة التى يرونها لا تفارق قيد انملة مصلحة جماعة الاخوان
و الى الاخوانى المغرور..الذى وصف الشعب المصرى ( الشعب جبان) الم يخرج هذا الشعب الجبان لتأييدكم فى برلمان 2005 و قتل و جرح الم تتسلق العجائز سلالم خشبية لتوصيل اصواتهم ؟
لماذا تغمطون الناس حقوقهم؟..الم يعطوكم 88 كرسى فى سايقة لم تحدث لاى فصيل معارض منذ 1952 ؟
بالله عليكم اليس هذا الشعب جدير باحترامكم؟
اتقوا الله الذين تحتكرون الحديث باسمه فى السياسة
اتقوا الله في هذا الشعب فليس يحتمل خناجركم
هذا الشعب غير الواقع عندما منحكم اغلى ما يملك و هو صوته برغم كل القيود منحكم فرصة لم يمنحها لأحد
لقد غير الشعب واقع
فهل انتم غيرتم واقع ام وقعتم فى فخ الاعجاب بالنفس؟
لم تحدثوا صرما و لم تحدثوا جديد بل بالعكس تم تخريب الدستور و انتم الكماة الشجعان مجرد تهليل يمكن لعضو واحد ان يفعله
كان بامكانكم الاعتصام فى المجلس و ان تخرج قواعدكم تقود الشعب ليضغط
انتم جهلاء فى السياسة و مغرورون بقوتكم
ثم تعالوا الى متى نصرتم الشرفاء من خارج صفوفكم شخصيا انا شاهد على ان حزب العمل يه اعظم الشرفاء فى ارض مصر فلما ركبتموه ازددتم قوه و حورب العمل بسببكم حتى اغلقت الحكومة جريدته و جمدت الحزب
اين الدموع على الحلفاء اين رثاء الاصدقاء لا اقول الوفاء و رد الجميل لا اقول نصرة المظلوم
ثم منتصر الزيات رجل اسلامى فلماذا خذلتموه و ناصرتم ابو العينين سيراميكا وطنى مقابل فوز عضوكم المجهول
ثم ابو المعالى مرشح العمل بدائرة برما خذلتموه و لم تنصروه فى الغربية و مع ذلك حصل مرشحكم على اصوات كثيرة و لم تؤهله هو الآخر
و ما زلنا فى الغربية و يرفع مرشح العمل فى دائرة كفر الزيات الاسلام هو الحل و مع ذلك لم تؤيدوه
اى تباب و اى بطلان
بطلان الدعوة و تباب السعى و خسران المبدأ
مظاهراتكم ضد المحاكم العسكرية حق مشروع و نحن نرفض المحاكم العسكرية لكم ولغيركم
مظاهراتكم ضد تزوير اتحاد الطلبة فى الازهر حق و لكن صورتكم كانت فجة غبية و برغم ذلك ننكر تزوير الانتخابات ضدكم او ضد غيركم
مظاهراتكم ضد منعكم من الترشيح للمحليات حق مشروع و نحن نرفض منعكم و منع غيركم و لكم برغم ذلك قال لى احد الاخوان فى جمعهم و انا ممنوع ايضا و ظننت لحظتها انى اقرب ما اكون و هم اقرب مايكونون لى لأننا اخوة فى المنع و بكل فجاجة و غطرسة قال ( نحن لا نرضى ان نوقفك الى جانبنا) -بكل عنجهية اطلقها- و مع انى لم اطلب ان اقف بجوارهم و لم المح يذلك و لا اريد ذلك
فاى اخلاق و اى فكر و اى سفالة و لم ارى فى القوم من ينكر
لمن ولائهم؟ و لمن برائهم؟ لانفسهم فقط
وقفاتكم لانفسكم تحالفاتكم لمصالحكم و انت فى سبيلها تحالفتم مع ابى العينين سيراميكا كليوبترا و مع مرشحى الحكومه فى النقابات و لن اقول انكم مستعدون للتحالف مع الشيطان لاننى لا استطيع ان اقولها
نصركم الشعب فتنعتونه بالجبن
يا سادة خرج الشعب وراء سعد لان سعدا كام صادق برغم انه فى منفاه
يا ساده خرج الشعب عام 1935 خلف النحاس لانه كان صادق حتى اطاحوا بدستور 1930 و ارجعوا دستور 1923
ذلك لان سعدا احترم الشعب فاحترمه الشعب و النحاس خدم الشعب فأيده
اما انتم فماذا قدمتم و ماذا اسلفتم
اقول لكم و الحق الحق اقول لكم
النظام لا يريد القضاء عليكم لانكم تميمة الحظ لبقاءه فانتم فزاعته ليفعل ما يحلو له فى الشعب بحجة خطر الطائفية و الارهاب فزاعة ضد الداخل و الخارج
و يوم يسقط النظام ستسقطون معه و سيسقط معكم اذا سقطتم
خط الحياة فى كف النظام مرهون ببرجكم
لا اعيب فيكم لكن هذا ما ارى و هاتوا ما عندكم كله و ما عندى لم ينتهى
راجعوا انفسكم فامامكم الفرصة يا ايتها القوة الاقوى يا اصحاب الحق المطلق